تجربتي الشخصية مع كبسولات فيتامين e و هـ

تجربتي الشخصية مع كبسولات فيتامين e و هـ

---

ازيكم يا بنات عاملين اية



انا انهاردة هكتبلكم موضوع خفيف اوى بجد و مفيد جدا



دى تجربة ليا شخصية بردو عن كبسولات فيتامين اى او ه يعنى



يلى هبتدى من غير مقدمات كتير






و دى صور الثلاث علب لكبسولات فيتامين اى

اولا العلبة مكتوب عليها زى ما شافين فى الصور فيتامين اى 400 مجم من شاركة فاركوب 10 جنية

1- اولا انا كنت بستخدم فيتامين اى من فترة طويلة بس مش بانتظام بصراحة بس كنت باوجهة كا مشكلة بديقنى اوى


و لقيت حل ليها ا حبيت اقولهلكم لو حد بيواجة نفس المشاكل دى




انا كنت دايما بجيب كبسولات فيتامين اى 400 من الصيديلة و بفتحاها عادى بدبوس زى ما كلكم عارفين و بحطها لوحدة قبل النوم على وشى كلة و تحت العين






المشاكل الى كانت بضايقنى:




1- الكبسولة نفسها صغيرة جدا جدا الوحدة بالظبط بتكفى عينى الاتنين و ممكن شفايفى بس فا كنت بستخدم 4 كبسولات علشان احط على وشى كلة




2- فا طبعا العلبة بتخلص بسرعة موووووووووت و اظطر اشترى تانى و الحوار دى رخم اوى بجد لان ساعات الواحد مش بيبقى فاضى ينزل او لسة يطلب الصيديلة و يفتح و يحاسب و الحوار دى هى العلبة فيها 24 وحدة تخيلى لو بحط اربعة فى المرة الواحدة بليل بس يعنى لو بحط بليل و الصبح فيتامين اى فى اليوم هستخدم 8 كبسولات يعنى قريب من نصف العلبة اصلا فا كدة بتخلص معايا فى يومين او تلاتة بالكتير تخيلوا بقى الارف كل شوية اطلب علبة و حتى لو طلبت اتنين فى المرة الواحدة اخرهم بجد معايا اسبوع و يخلصوا فا وجع دماغ بصراحة




3- تالت نقطة صعوبة فتح الكبسولة بجد صغيرة اوى و تحسيها بتتزحلق من ايدك خصوصا بقى لو كان فى ايدك مطرح فيتامين اى هتلاقى نفسك مش عارفة تمسكيها اصلا و خصوصا فى الشتا بقى ماساة بجد السائل دى بيبقى متجمد فا مش بينزل بسهولة خالص نهائى و كمان لان فتحة الدبوس دى بتبقى صغيرة




بس كدة







ثانيا: العلبة الخضرا مكتوب عليها زيت جنين القمح 30 كبسولة من شركة سديكو ب 20 جنية

الموضوع و ما فى انى قولت اسئل الصيدلى عن كبسولات فيتامين اى اكر من 400 فا قالى فى 1000 فا قولتلوة خلاص هتهالى و كدة فا لقيت مكتوب عليها انها كبسولات عبارة عن زيت جنين القمح فا انا عشان فاهمة الحمد للة ان زيت جنين القمح من اكتر الحاجات الى فيها و غنيا بفيتامين اى مش رجعتها وا ستخدمتها




1- الحلو فيها انها طبعا بتعد كتير اوى لسببي اولا الكبسولة اكبر بكتير يعنى واحدة كفيلة انها تعمل وشك كلة و ثانيا دول 30 كبسولة




2- الوحش بقى ريحتة مش ظريفة اوى ( بس انا مش بهتم اوى بكدة المهم يكون كويس) بس ريحتة مزعجة شوية


3- اخر حاجة انى حاسيتة مش بيرطب وشى اوى زى فيامين اى العادى ينى اعلى الخدود المنطقة دى بتبقى جافة اوى ولا اكنى حطيت عليها حاجة اصلا فا مش عارفة لية مش مشى معايا فا بقيت لما احطة مع كبسولات فيتامين اى او احطة على كوعى او اديى او ركبى اى حاجة يعنى و خلاص







ثالثا و اخيرا: كبسولات فيتامين اى 1000 مجم من شاركة فاركو ب 20 جنية

1- دى بقى احلى وحدة الحمد للة بجد انى لقيتها اخيرا لانى مرة و انا بطلب الصيديلة تشج=عت و سئلت الراجل هو فى فيتامين اى 1000 بس مش زيت جنين القمح فا قلى فى كنت عايزة اقولة حرام عليك ما كنت تقول من زمان يا راجل




2- دى بقى كبسولاتها كبيرة اوى زى بتاعت جنين القمح بسدى فيتامين اى بس و بتركب الوش اوى ووحدة كفاية لوش كلة بلس مريحة فى مسكها و بتنزل اسرع بكتير من الصغيرة













طريقة فتح كبسولات فيتامين اى



1- دى كان حوار مقرف اوى بالنسبة ليا بصراحة و بيكسلنى اصلا انى استخدام فيتامين اى لان اصلا الفتحةبتبقى صغيرة فا بيزل ببطء شوية حتى لو الكبسولات الكبيرة بينزل ببطء شوية بردوا و جربت اجيب دبوس كبير نفس الحوار بردوا فا لقيت مرة فيديو كدة بيتكلم على فيتامين اى فا لقت البنت بتقول انك احسن تمسكى الكبسولة كدة بالطول و تجيبى مقص و تقصى طرفها من فوق خالص و بعد كدة تفضى الكبسولة فى ايديك فا بس لقيت الفكرة هايلة بجد و اعدت اقول انا ازاى مفكرتشفى كدة قبل كدة المهم فا الطريقة دى بردوا اريح ملييييييييييييييييون مرة بس اعملى حسابك يكون معاكى منديل تمسحى بى المقص لان المقص بعد كد بيبقى فى فيتامين اى كتير و ملزق بس كدة فا محدش يفتح فيتامين اى بدبوس تانى بالمقص فقط اسهل بكتير

ملاحظات مهمة:



1- فيتامين اى الى 400 مجم ظريف اوى يعنىممكن تجيبى و تفتحى كبسولة بس لو انتى عايزة تحطى بس على عينك و شفيفاك لكن لو عايزة كل وشك يعنى طبعا احسن مليون مرة و اوفرلك ال 1000




2- كبسولات زيت جنين القمح دى مش رطبت وشى كويس بس ممكن مع حد غيرى يمشى معاها فاهمين فا كل وحدة تجرب و تشوف الى يناسبها و حتى لو مش مشى معاكى اوى استخدى لحاجات تانية زى ما بعمل لايدك لرجلك و لركبك و كوعك اوك بيبقى حلو اوى مع اى كريم للايدين







لية بنستخدم فيتامين اى اساسا؟



1- لانة مرطب جامد جدا


2- لانة يعتبر من الحاجات المضادة للاكسدة فا بيمنع التجاعيد


3- لانة لو عندك خطط خفيفة و حطيتى بليل بتصحى تحسىها اكنوا نفشها كدة و بشرتك شكلها منفوش فا الخطوط اختفت خصوصا تحت العين و الخطوط الى حولين الفم


4- كمان الظريف بقى فى اوى انة مش بيطلع اكنى خالص او حبوب يعنى انا بشرتى مختلطة و لما بستخدمة ش بيعملى اى حاجة مع ان منظرة يدى العكس علشان بيبقى مدهنن اوى و مزيت على الوش بس بالعكس خالص انا قريت على النت على مواقع برة انة بيساعد على شفاء الحبوب و الجروح


5- اخر حاجة انة بيساعد على اخفاء او تلاشى اى بقع فى وشك بس مع الاستمرا فترة طويلة علية







ملاحظات اخيرة مهمة اوى :



1- و الذيذ فى كمان انك تقدرى تستخدمى لوحدة او مع كريمك سواء كريم النهار او الليل بتاعك




2- احسن حاجة حطتى بليل قبل النوم لسببين اولا هو منظرة دهنى اوى و ملزق يعنى منظر مش ظريف الصبح تانى حاجة انى لاحظت انة بيشتغل احسن بليل بجد لما بصحى الصبح بلاقى بشرتى حلوة اوى و منفوشة سنة كدة



ياريت اكون افدكم بجد
و سامحونى على اى تقصير فى حقكم
و ياريت تدعولى بجد محتاجة اوى دعائكم
والى عجبوا موضوعى دى او اى موضوعى من مواضيعى
ياريت يقيمنى بجد




ملاحظة مهمة جدا

انا لا اسامح و لا احلل نقل موضوعى لاى منتدى تانى من غير اخذ اذن منى اولا و ثانيا ذكر اسمى و منتدى عروس

ساعد في نشر والارتقاء بنا عبر مشاركة رأيك في الفيس بوك