معلقة عسل
معلقة زبدة
الطريقه:
نحط الماء على النار يغلى ومعاه الزيت ورشه الملح والسكر
وبعد مايغلو ننزل بالدقيق مره واحده ونقلب وهما على النار بسرعه لمده دقتين لحد لما الدقيق يلم معاكى ويسيب حواف الحله
ونشليها من النار ونحطها فى طبق بلاستيك غويط
ونسيبها تبرد او نشغل عليها مضرب البيض لحد مايخرج منها البخار
بعد كده نبدا ننزل بالبيض بيضه بيضه لحد لما العجينه تشرب البيضه ننزل باللى بعدها وماننساش الفانيليا و بتبقى عجينه لينه ومصفره من البيض
كده نبدا نملاها فى كيس حلوانى وقصيت الطرف بتاعه على حسب حجم الاكلير اللى انتى عايزاه
وبدأت انزل قطع الاكلير فى صاج على ورق زبده او مدهون ومرشوش دقيق:
وندخله فرن يكون مسخن من قبل كده على 180 درجه المهم نسيبه لمده 35 دقيقه و مانفتحش عليه الفرن
لما تخلص ال35 دقيقه هتلاقوه من تحت احمر ولو كان لسه من فوق محمرش نشغل الشوايه ونقفل تحت يارب تكونو فهمين لان هو ده اللى بيخلى الاكلير ينجح ويبقى مقرمش من برده ومفرغ من جوه
الحشو:
نسيبه بقى يبرد ونبدا فى الحشوه نحط نص ك لبن على النار يغلو:
ونكون مدوبين 3 معالق كبيره نشا:
لما اللبن يغلى ننزل بالنشا عليه ونقلب بالمضرب اليدوى ونحط علىهم معلقه كبيره مليانه نسكر ولما يمسكو مع بعض نقفل النار ونحط الفانيليا وطبعا ممكن تبقى الحشوه كسترد او كريم شانتيه اللى انتم عاوزينه:
نيجى بقى للشيكولاته نكون حطينها على حمام مائى تسيح ونحط عليها معلقه عسل نحل ومعلقه زبده او زيت عشان تلمع او نسيبها زى ماهى اللى تحبوه:
نبدا بقى نملى كيس حلوانى بالمهلبيه بعد ما بردت حالص ونعمل فتحه اعلى الاكلير من فوق وندخل فيه اللبلبه بتاعة كيس الحلوانى ونبدا نحشى :
وبحد كده نغطسهم فى الشكولاته
و ندخلهم التلاجة نص ساعة
من مطبخ عدلات
ليست هناك تعليقات:
إرسال تعليق