بالصور الطريقة الصحيحة لفرد الشعر

المشاركات: 732

بالصور الطريقة الصحيحة لفرد الشعر

---

الطريقة الصحيحة لفرد الشعر
-------------------------------------





1- اغسلى شعرك كويس جدا بالشامبو عشان

تتخلصى من كل الزيوت زى ماقلنا
يعنى اغسليه و هو معدول و بعدين اقلبيه على قدام و اغسليه تانى
و بعد الشامبو استخدمى البلسم





2- نشفى شعرك بالفوطة حاولى تتخلصى من اكتر كمية ممكنة من الماية
و ممكن تستخدمى الفوطة اللى زى دى



بتقلبى شعرك ع قدام
و تدخليه فيها
و تلفى الفوطة ع شعرك
و ترجعيه لورا تشبكيه ف اﻻستك اللى بيبقى موجود
و تسيبيها شوية لحد ما تمتص الماية

هى عندى كانت جاية مع طقم البرنس و الفوط بتاع الجهاز
بس اعتقد فى حاجات شبهها ف محﻻت اتنين و نص
اسهل ف اﻻستخدام و اشيك من الفوطة العادية





3- سرحى شعرك بمشط واسع عشان تفكى التشابك
و و انتى بتسرحيه حاولى تقسميه اجزاء
ده بيسهلك الموضوع بع كده





5- جففى كل قسم من شعرك بالسيشوار
لو شعرك من النوع اللى مش مموج اوى
ممكن تكتفى بحرارة قليلة تنشفى بيها شعرك من غير فرد و خﻻص طالما هاتستخدمى المكواة

لو شعرك مموج جامد
يبقى اﻻحسن انك اثناء التجفيف تستخدمى فرشاة السشوار و تحاولى تفردى بحرارة اعلى شوية
عشان يسهلك موضوع المكوة بعد كده

و ساعتها متنسيش ترشى واقى الحرارة اللى قلنا عليه

و على فكرة انا ساعات كتير باكتفى بفرد السشوار
بيبقى حلو جدا
و باخلى المكواة بس لو عايزة اعمل تسريحة معينة او كيرلى
لكن ف الطبيعى السشوار بيبقى كافى بالنسبة لى جدا




6- ارفعى نص شعرك لفوق و اشبكيه بتوكة او كلبس





7- الجزء المتبقى تحت
هتاخدى خصلة خصلة تفرديها
لو شعرك خفيف و الشعراية نفسها رفيعة بتاخدى خصلة كبيرة شوية عادى
لكن لو الشعراية سميكة بتاخدى خصلة صغيرة عشان النتيجة تكون افضل




8- بترشى واقى الحرارة على الخصلة اللى هاتعمليها
و تسرحيها بالمشط الضيق عشان توزعى السبراى عليها و تشيلى اى تشابك موجود

حرارة المكواة هاتظبطيها على كام ؟؟
- الشعر الهش المتضرر ، الرقيق ، الجاف ، الناعم الى متموج كده
يبقى تظبطى على
130-160

- الشعر الطبيعى ، المصبوغ ، المموج الى مجعد
يبقى تظبطى على
160-180

- الشعر السميك الصحى ، الشديد التجعد
يبقى تظبطى على
180-200

و حاولى تجربى و تشوفى اقل حرارة ممكنة بتفرد شعرك حلو و يبقى هى دى تستمرى عليها
مش تجازفى بحرارة عالية عشان تخلصى بسرعة
و تبوظى شعرك




9- تمسكى الخصلة بإيد و تشديها لتحت تخليها مفرودة كويس
و باﻻيد التانية تمسكى المكواة
و تحاولى تبدأى قريب من جدور الشعرة قدر اﻻمكان
و تقفليها على الخصلة كويس بحيث يكون كل الشعر اللى ف الخصلة معرض لحرارة المكواة
و تمشى بيها لتحت لحد اﻻطراف

و خلى بالك :
- تمشى بحركة سلسة ع الشعر
يعنى تمسكى من الجدور و تنزلى على اﻻطراف بمعدل ثابت
مش تقفى ف النص تستنى شوية و بعدين تكملى
ﻻن ده هايعمل خطوط بالعرض ف الخصلة و هاتضطرى تعيدى عليها كذا مرة عشان تتخلصى من الخطوط دى و ده بيبوظ الشعر
انما انتى انزلى مرةواحدة
و لو احتجتى تعيدى عليها تكررى الموضوع بنفس الطريقة

يارب اكون قدرت افهمكو




لو لقيتى بخار بيطلع ماتتخضيش
ده ﻻن المكواة سخنة جدا و انتى ممكن يكون شعرك فيه بعض الرطوبة
باﻻضافة للاسبراى اللى احنا رشناه بردو
ف مفيش مشكلة
طالما ماسمعتيش صوت تششششش ده يبقى انتى ف السليم




10- كملى بأة بنفس الطريقة لحد ما تخلصى النص التحتانى كله
بعدين لميه على جمب عشان تشتغلى ف باقى شعرك
نزلى بقية النص الفوقانى بس سيبى القُصة لوحدها
و بردو خدى خصلة خصلة زى ما عملنا لحد ما تخلصيه كله



11- شوفى ف المراية لو فى اى خصلة انتى سبتيها وﻻ حاجة من غير فرد
انا بالنسبة لى
عندى الدوﻻب لما بافتحه بيبقى مرايتين قدام بعض
ف باعرف اشوف شعرى من ورا ف المراية المقابلة
لو مش عندك كده
يبقى اقفى قدام التسريحة واستخدمى مراية تانية ف ايدك بس تكون كبيرة شوية مش مراية شنطة عشان تشوفى شعرك من ورا




12- لو حابة تعملى خصل كيرلى او مثﻻ تخلى اطراف شعرك ملفوفة لجوة او لبرة براحتك
ده وقت انك تعملى تسريحة بقة على مزاجك بعد ما خلصتى فرد الشعر كله



13- اخر لمسة
هو نقطة من السيروم تفركيها بين ايديكى
و تتوزع بالراحة ع الشعر كله بتديله لمعة حلوة
و ماتخافيش نقطة واحدة هاتكفى
لو كترتى الشعر هايبقى ملزق و شكله مش حلو




و اوعى ترشى اى سبراى او تستخدمى كريم فيه نسبة ماية
ﻻن ده هايخلى شعرك مموج ف ساعتها

ساعد في نشر والارتقاء بنا عبر مشاركة رأيك في الفيس بوك