تخلصي من انتفاخات ودهون البطن
أولا المشروبات اللي ساعدتني
1 .أول مشروب ده رائع جدا وجاب معايا نتيجة جميلة جدا الحمد لله
وخلصني من انتفاخات ودهون البطن بقالي حوالي شهر ماشية عليه و هو
الشاي الاخضر بس بإضافة الكركم إليه بمقدار معلقة صغيره كركم وباكيت شاي أخضر و عليه الماء الساخن واتركيه مغطي دقيقتين والله هذا المشروب سحر نزل بطني خالص خصوصا أنها منتفخة من القولون
و ماتخافيش طعمه مستثاغ جدا يعني مش هتحسي انه وحش أو حاجة
2. ثاني مشروب هو المشروب السحري
مزيج من القرفه والنعناع والزنجبيل والكمون و نصف ليمونة بقشرها فرق معايا جدا
ومشروب الزنجبيل والكمون علاج للقولون
3. المشروب الثالث هو معلقة خل التفاح علي
كوب ماء بارد يوميا علي الريق أو بعد الغداء للي عندها مشاكل في المعدة
4.شرب البابونج
كوب علي الريق ومثله ظهرا بعد الأكل
5. شرب أو سف الكمون جميل جدا لنحت البطن و بيخلص البطن من الغازات
6.مشروب مغلي معلقة زعتر مع كو ب ماء
7. مشروب النعناع
8. المشروب ده بحبه جدا لانه بيخليني احس بالشبع هو مشروب القرفة باللبن المخفف بالماء
أو مشروب القرفة دون لبن
المشروب ده جميل جدا وخصوصا لمرضي السكر لانه بيث نسبة السكر في الدم و يجعلنا لا نشعر بالجوع و نشعر بالشبع
9. شرب كوب ليمون دافئ علي الريق
10.ماء سلق الفاصوليا الخضرا
أشربي مائها بعد السلق فهي مفيدة جدا للتخلص من السمنة وكذلك مرضي السكر
ومن المأكولات
11. شاي التخسيس رويال
طبعا السلاطة الخضرا وسلاطة الكرنب وشوربه الكرنب
والجبنة القريش ومن الفواكه البرتقال والكمثري أكل الزبادي بالقرفة وأكل الخيار
وكذلك أكل حمص الشام قبل الفطار أو الغدا بيحسس جدا بالشبع و يخسس
طبعا لازم شرب من لتر ونص إلي لترين ماء في اليوم
بجانب ممارسه القليل حتي من الرياضة بتشد الجسم وتساعد في التخلص من الدهون
وطبعا المشروبات كلها دون سكر
أنا ماشية علي نظام رجيم جروب الأكل كل 3 ساعات ل.د. شيمو جزاها الله كل خير
هو زي أو نفس رجيم اللقيمات فعلا بخس دون أي حرمان
انا كدة خلصت موضوعي يارب تكونوا استفدتم ولو جزء بسيط منه
ارجو منكم التقييم حتي تستفيد منه كل فتوكة بتعمل رجيم و يساعدها في التخلص من الدهون بإذن الله
بنات ممكن تضيفوا خل التفاح علي السلطة أو الخل العادي
مضغ الحبهان بيحسس بالشبع
انا ساعات بحطه علي الشاي أو النسكافيه او القهوه
أحسن حاجة انك تشربي كل ساعتين مشروب ساخن دون سكر
وكل ماتحسي بإنك جعانة
وضع الجنزبيل والفلفل الاسمر علي الاكل بيزود الحرق
برده الردة مع الزبادي بتشبع جدا لو معلقة كبيرة
وجربت أيضا بذر الكتان مع الزبادي اطحنيه
واستخدميه
بس ياريت تطحني شويه شويه عشان فيه زيوت طيارة بضيع فائدته
وأي مشروب غطيه شويه قبل ماتشربيه
أبذلي مجهود سواء في الشقه أو القراءه أو أي شئ مفيد في الوقت بين الوجبات حتي لاتشعري بالوقت
بنات انا أخدت وقت في النزول لظروفي المرضيه فده كله من تجاربي الشخصيه
ولو وصفه عجبتك داومي عليها حتي يبان عليكي
ومع ذلك ليس شرط عادي نوعي فيها
برده من الحاجات الجميلة انك تشفطي بطنك دايما وكذلك من أول ماتصحي اربطي علي بطنك إيشارب أو حزام عريض للبطن ده بيصغر المعدة و يخليكي متاكليش كتير
واخلعيه عند النوم
وكمان لاتنامي بعد الاكل مباشرة لان هذه العادة بتثبت الوزن
فمرة أخري بأكد علي التقييم لأهمية الموضوع
وجزاكم الله كل خير
ساعد في نشر والارتقاء بنا عبر مشاركة رأيك في الفيس بوك
الخميس، 21 أغسطس 2014
تخلصي من انتفاخات ودهون البطن
الاشتراك في:
تعليقات الرسالة (Atom)
ليست هناك تعليقات:
إرسال تعليق